Loĝado

En la IJK ni ofertas loĝeblecon kune kun manĝeblecoj. Nuntempe la loko kiun ni havas estas en la sama loko kiel la kongresejo. Tio kostas po 25€ por nokto. Tio inkludas tag-, vesper- kaj matenmanĝon. Bedaŭrinde oni ne povas elekti nur kelkajn manĝojn, loĝadon sen manĝi aŭ manĝi sen loĝado.

Ekzistas amasloĝejo sed estas 5,3 kilometroj for de la kongresejo. Ĝi kostas po 11€ por nokto. Tie vi povas kuiri vian propran manĝon. Ni ankoraŭ serĉas pli bonan eblon sed verŝajne ni ne trovos plibonan amasloĝejon. Ni informos vin, se ni havos novaĵojn pri la amasloĝejo.

Bedaŭrinde Pasporta Servo ne estos eblo en Badajoz tiam, sed vi povas provi uzi Couchsurfing senpageAirBnB ekde 14€. La plej proksimaj gastejoj estas la hotelo AC Marriot Badajoz, la ApartHotelo Ascarza Badajoz kaj la hotelo Las bovedas kies prezojn varias.

Se vi emas tendumis, ne estas proksima loko kvankam vi povos trovi parkumejon por ruldomoj en la urbo.